Осум индикатори за рана бременост

Отсуството на менструација не мора да биде единствениот показател. Обрнете внимание на следните осум фактори кои укажуваат токму на тоа…

Гадење (не само утринска мачнина)

Сите знаеме дека мачнината е главниот показател дека имаме друго суштество во нас. Не игнорирајте ја  и припишувајте ненадејната мачнина на лош сендвич. Утринската мачнина може да се одложи и да се појави во секое време од денот или ноќта, во зависност од нивото на  естроген и прогестерон.

Чувствителни гради

Ако градите ви се исклучително чувствителни на допир што едвај можете да се допрете, мора да ве предупредиме дека можеби не е ПМС. Две, три недели по зачнувањето, хормоналните промени може да предизвикаат градите да бидат исклучително чувствителни и нежни дури и на најмал допир.

Се чувствувате поспано

Ако си легнете порано од вообичаено и сте поспани, … да, можеби во вас спие мало суштество! Ова е благодарение на прогестеронот, кој се зголемува во раната бременост. Вашето тело деновиве работи со полна брзина, затоа сонот му е неопходен.

Одеднаш една храна не можете да ја поднесете, а друга ја обожавате

Мирисате храна во друга куќа, наеднаш сакате да пробате нешто и ви се гади од друга храна? Хммм, да не претеруваме, но и ова може да биде предупредувањеод телото дека сте бремени. Зголеменото ниво на естроген ја овозможува оваа „состојба“.

Имплантациско крварење

Доколку забележите дамки од крв на долната облека, немојте веднаш да се радувате на менструацијата. Имплантациското крварење е можеби еден од најраните симптоми на бременоста. Се јавува 6 до 12 дена по зачнувањето и се јавува кога ембрионот е прифатен на ѕидот на матката. Кај некои жени може да се појават менструални грчеви.

Промени во расположението

Ако плачете за време на серијата (а ја немате таа навика) или ве изнервира некоја реклама, сепак не е неподнослив ПМС. Поплавата од хормони во раните месеци од бременоста е сосема нормална работа, како и солзи и смеа, радост и хистерија.

Вртоглавица

Ако се чувствувате како да сте мамурни или како да сте се возеле на брод, сосема е веројатно дека имате вртоглавица, која  е многу честа појава во бременоста. Причина за тоа е ширењето на крвните садови што доведува до намалување на крвниот притисок. Поради тоа вртоглавицата е толку честа појава во раната бременост.

Koнстипација

Ако не сте направиле големо празнење 2 дена (а досега не сте имале проблем со тоа), може да е бременост. Ако мислите дека тоа е возможно, еве објаснување: Зголеменото ниво на прогестерон го забавува минувањето на храната, па запек се јавува во раната бременост.