Како да ја имате најубавата и најшарена расцветана градина

Расцветаната градина полна со шарени цветови е токму она што нѝ е потребно по долгата зимата за да се почувствуваме полетни и ведри. Ако сакате да добиете најдобри резултати, неопходно е да знаете каков тип на цвеќиња сакате и кога да ги засадите за најдобри резултати. Кога правите селекции на растенија, најдобро е да изберете растенија кои успеваат во вашето поднебје, а најважно во условите кои ги  има во вашата градина или тераса.

Велигденски рози

Извонредните, лесни и нежни цветови, наречени и хелебори, се појавуваат кон крајот на зимата или раната пролет, што ги прави едни од најраните цветни растенија. И покрај нежниот изглед, овие едногодишни цвеќиња се многу цврсти и изджливи, а понекогаш дури и ѕиркаат низ снегот. Најдобро растат и успеваат на осојни места.

Џунџуле

Ова издржливо цвеќе со шарени цветови ќе ја осветли секоја градина. Доаѓа во нијанси од  светло-портокалова, жолта и кремаста боја. Можете да изберете разнобојни сорти и да ги измешате при садење, за да добиете уникатен изглед на вашата градина. Издржливи се на летните горештини и цветаат до првиот мраз наесен.

Срце кое крвари

Овој старомоден миленик изгледа токму како неговото име со ситни цветови во облик на срце. Веројатно било повеќегодишно растение кое го засадила вашата баба, бидејќи со генерации е многу сакано поради својата романтична форма. Кога ќе започне летната топлина, зеленилото исчезнува, но растението повторно се појавува следната година.

Лалиња

Луковиците од лале мора да бидат засадени на есен за пролетен цут. Технички тие се повеќегодишни, но често исчезнуваат по првата година, па затоа се третираат како едногодишни и се садат секоја година. Тие исто така се вкусни за животните, па засадете ги во саксии каде што глодарите не можат да копаат или во близина на помалку вкусните луковици како што се нарцисите.

Нарциси

Нарцисите се веројатно најлесните за процветување. Откако ќе се засадат во земја или во сад со камчиња, тие растат. Тие потекнуваат од топлата медитеранска клима и цветаат три до четири недели. Често се одгледуваат во зимските месеци во затворени простории и се користат за подарување како први пролетни цветови.

Гладиоли

Започнете со садење  на гладиолите што е можно порано. Можете дури и да почнете да расејувате семиња уште во февруари, а првиот цут да никне некаде од пет недели до осум недели потоа,токму на време за официјалниот почеток на пролетта.

Зумбули

Овие прекрасни, миризливи цвеќиња треба да се засадат наесен за пролетно цутење. Нивните цвеќиња траат со недели.