Искуствата од раното детство се од голема важност за правилен развој на мозокот
Децата се раѓаат подготвени да учат и имаат способност за учење во текот на многу години. Тие зависат од родителите, членовите на семејството и другите старатели, како нивни први учители кои ќе ги развијат вистинските вештини за да станат независни и да водат здрав и успешен живот. Како расте мозокот е под силно влијание на искуствата на детето со другите луѓе и светот. Грижата за умот е клучна за растот на мозокот. Децата растат и учат најдобро во безбедна средина каде што се заштитени од запоставување и од екстремен или хроничен стрес, со многу можности за игра и истражување.
Родителите и старателите можат да го поддржат здравиот раст на мозокот преку разговор, играње и грижа за нивното дете. Децата најдобро учат кога родителите се надоврзуваат на нивните вештини и интереси. Грижата за децата преку разбирање на нивните потреби и чувствително реагирање помага детскиот мозок да се заштити од стрес. Зборувањето со децата и нивното изложување на книги, приказни и песни помага да се зајакне говорот и комуникацијата на децата, а тоа води кон лесно учење и успех на училиште. Изложеноста на стрес и траума може да има долгорочни негативни последици за мозокот на детето, додека зборувањето, читањето и играњето може да го стимулираат развојот на мозокот.
Кога децата се изложени на ризик, следењето на нивниот развој и осигурувањето дека достигнуваат развојни пресвртници може да помогне сите проблеми да бидат рано откриени за децата да можат да ја добијат потребната помош.
