Зошто бакнувањето е толку важно за врската, посебно за бракот

Психологијата за бакнувањето вели дека бакнежот е орален контакт со друго човечко битие, кој е многу приватен и интимен. Но, дали знаете дека бакнувањето е многу поважно за брачната заедница, отколку што се претпоставува. Најголема причина за тоа е што на бакнувањето му претходат интимности. Според една студија на многу мажи им е поважно со кого се бакнуваат отколку со кого спијат на љубовен состанок.

Бакнежите со саканата личност имаат бројни благодети и можат да влијаат на личноста физички, емоционално и духовно. Некои брачни советници на своите клиенти со брачни проблеми им велат дека треба да се бакнуваат секој ден, ако таа навика со текот на годините ја изгубиле. При бакнување телото доживува надразби и излачува големи количини окситоцин, хормон кој ви помага уште повеќе да се поврзете со партнерот.
Повеќето брачни двојки се бакнуваат наутро заминувајќи од дома, но со тек на време тоа станува навика. Исто како кога на излегување го земате мобилниот телефон или пиете филџан кафе.

1. Физички придобивки од бакнувањето
   – луѓето кои се бакнуваат секој ден живеат до пет години подолго од оние кои не се бакнуваат
   – приливот на крв кој се случува при бакнувањето може да помогне во лекување на флеки на лицето и дерматитис
   – приливот на хемикалии до кој доаѓа поради физички контакт предизвикува зголемување на пулсот за повеќе од 100 отчукувања во минута, што е подеднакво добро како телесни вежби
   – за да некого го бакнете страсно, треба да активирате дури 29 мускули на лицето, што може да помогне во намалување на брчките
   – усните се многу почувствителни од врвовите на прстите и кога некого го бакнувате, ги стимулирате сите важни нерви во телото
   – размената на течности при бакнежот е поздраво отколку што мислите- може да помогне во изградба на силен имунолошки состав за борба против болести и одржување на здравјето.
2. Емоционални придобивки од бакнувањето
   Кога усните ќе се спојат, мозокот почнува да лачи коктел од хемикалии кои предизвикуваат чувство на пријатност и задоволство. Налетот на хормони во телото стимулира невротрансмитери како серотонин, окситоцин и допамин.
   Возбудувањето кое го чувствувате доаѓа од центарот за уживање сместен длабоко во мозокот, а кој во тие моменти е во „петта брзина“. Кога го стимулирате тоа подрачје од мозокот, тоа е како  да земате дрога и телото почнува да копнее за тоа чувство. Следен пат кога ќе се бакнете и посакате уште, тоа е затоа што вашиот мозок ги „повикува“ деловите одговорни за задоволство и уживање.
3. Духовни придобивки од бакнувањето
   Бакнежот го доведува мозокот во состојба во која партнерите можат да се синхронизираат еден со друг, што значи дека врската станува многу длабока. Не само дека вашиот и мозокот на вашиот партнер се поврзуваат, туку и вашето срце и емоции се вклучуват во таа стимулација.
   Постојат разни начини на бакнување, но длабокиот и страствен бакнеж е посебно интимен и спритуален. За меѓусебна поврзаност меѓу партнерите ќе направи многу повеќе од обичен бакнеж во образ, бидејќи ги поврзува на повисоко ниво.

Некои брачни советници на своите советници со проблеми во бракот им велат дека треба да се бакнуваат секој ден. Во теорија тоа е лесно, бидејќи кога ќе станете многу интимни еден со друг, на тој начин ја обновувате поврзаноста која некогаш постоела. Иако можеби на почетокот ќе морате да се „присилите“ на секојдневно бакнување, тоа ќе ве зближи и поврзе и на духовно ниво.