Златни правила за подготовка на совршен бифтек
Без разлика дали сте дома или во природа подготвувате скара, подготовката на бифтек треба да е едноставна, зарем не?
За жал постојат нешта кои многумина од нас одбиваат да признаат дека можат да го уништат и најсовршеното парче месо. Но, добра вест е дека можете да ги следите овие неколку правила и многу брзо да станете вистински мајстор за подготовка на бифтек.
1. Правилно складирање на месото
Кога ќе купите убаво парче месо идеално е да го приготвите веднаш, или следниот ден. Но, со оглед дека тоа не е секогаш возможно, месото треба да го чувате во најладниот дел од замрзнувачот, добро затворен во кесичка во која нема да влегува воздух. Ако се решите да го приготвувате замрзнатото месо ставете го еден до два дена да се одмрзнува во фрижидер. Друг важен момент е ладното месо да не го ставите веднаш на скара. Така ќе добиете парче месо кое однадвор е препечно, а внатре сурово. Наместо тоа извадете го месото од фрижидер 30-60 минути пред да почнете да го готвите, отстранете ја кесичката и оставете го на собна температура.
2. Зачинете го во вистинско време
Многу дебати се водат за тоа кога е вистинското време да се стави зачин на месото. Многумина ќе се сложат дека најдобро е бифтекот да се посоли претходната вечер и да се остави непокриен. Ако немате толку време, посолете го барем 40 минути пред готвење или најдоцна пред да го ставите на скара. Иако солта ја вади водата од месото, со доволно време таа повторно ќе се врати во вид на солена вода, која ќе го омекне месото.
На било кој начин да го готвите бифтекот, погрижете се температурата да е многу висока, бидејќи во спротивно месото нема да биде добро испечено. Во моментот кога ќе го ставите месото на скарата или во тавата, температурата ќе се намали, поради што едната страна на месото секогаш ќе изгледа повеќе испечена.
3. Ефект на “пренесена топлина“
Кај сите продукти, особено кај месото постои ефект на „пренесена топлина“. Еднаш кога ќе го тргнете месото од скара или тава, тоа уште некое време ќе се готви. Затоа извадете го од скара малку порано, инаку ќе добиете препечено месо. Потоа оставете го малку да се излади. Секој професионален готвач ќе ви каже дека најлоша работа која можете да ја направите е да го пресечете пред да се излади. Ако го оставите да одмори десеттина минути, сите природни сокови ќе се прошират низ месото и нема да се изгуби неговиот вкус и текстура.
