Доаѓа ретроградниот Меркур: Еве како ќе влијае на нашите животи од 10 мај до 3 јуни!
Меркур во ретроградниот период влегува на секои три до четири месеци, а во наредниот период тоа ќе се случи на 10 мај и ќе трае до 3 јуни. За тоа време Меркур ќе биде ретрограден во знаците Близнаци и Бик. Додека е во Близнаци, можете да очекувате проблеми во комуникацијата, кавги на работа, со саканите… Додека е во Бик, ретроградноста на Меркур ќе влијае на материјалните работи, приходите и расходите, но и на сликата што ја имаме за себе, на нашата самодоверба, пишува порталот стил.рс.
Што нè чека за време на ретроградниот Меркур?
Нарушени планови
За време на неговото траење, многу планови ќе бидат откажани, некои дури и во последен момент. Лесно може да се случи да заборавите на некој важен состанок или да сте лошо организирани и да не пристигнете. Во овој период распоредот нема да ви биде од голема корист, а може да се очекува и хаос во сообраќајот.
Конфликти во комуникацијата
Меркур управува со комуникацијата, па кога е ретроградна, постои голема веројатност за недоразбирање, погрешно толкување на информациите од другите или дури и кажување на нешто што не мислиме. Размислете пред да зборувате и мудро избирајте ги зборовите! Размислете добро пред да притиснете „испрати“ за некоја порака.
Избегнувајте да започнувате нови проекти и да потпишувате договори
Не се препорачува потпишување договори, донесување важни одлуки, купување или започнување нови проекти за време на ретроградниот период на Меркур. Големи се шансите да пропуштите некои важни детали, да бидете збунети, да донесете лоша, импулсивна одлука за која подоцна можете да зажалите. Обидете се да ги одложите сите поголеми нови потфати или аранжмани додека не заврши ретроградноста.
Направете резервна папка
Бидејќи Меркур управува со информации, чувајте ги вашите документи, податоци , бидејќи вашиот компјутер или телефон може да се расипе. Најдобар совет е да направите резервна копија на сите ваши датотеки.
Што ќе биде добро во овој период?
Ретроградниот Меркур сам по себе не е лоша работа – ако знаете што да очекувате и преземете соодветни мерки на претпазливост, можете да го искористите за да видите каде сте, до каде сте стигнале и каде одите. Направете дополнителен напор да забавите, да размислите за сè. Интроспекцијата е секогаш добра.
