Бебето ги чувствува вашите емоции, додека е во стомакот
Кон крајот на првото тромесечие, односно третиот месец од бременоста, кај бебето се развива сетилото за слух. Уште тогаш можете да почнете да пуштате смирувачка музика која ќе го стимулира лачењето на ендрорфин и со тоа да го подобрите расположението на бебето. Во петтиот месец од бременста ќе можете да ги почувствувате бебешките реакции на одредени звуци, како и неговите движења кога ќе го чуе гласот од таткото.
Силните звуци можат да го исплашат бебето- затоа зборувајте нежно, за бебето да се чувствува безбедно и смирено. Ако дојдете во ситуација да мора да реагиреагирате гласно, не грижете се. Некои стручњаци тврдат дека за бебето е добро да проживее различни емоции од мајката додека е во стомакот и тоа ќе му помогне подоцна да се адаптира на животот.
Бебето во стомакот може и да гледа, но не јасни слики. При силно светло тоа гледа портокалови и црвени сенки, слично како кога вие ќе ги затворите очните капаци. Дури од четвртиот месец на бременоста, бебето може да регира на светло, така што ќе се врти кон или од него.
Бебето ги чувствува вашите емоции додека е во стомакот. Обидете се да бидете смирени, за да и тоа биде смирено. Размислувајте позитивно. Ова е ваше заедничко единствено време и никогаш повеќе нема да се повтори на тој начин. Пробајте да го вклучите и таткото, за да бебето го запознае неговиот глас.
Движете се и тоа полека. Вашите движења, кога сте во лесна прошетка, го заспиваат бебето во стомакот. Кога ќе се роди и понатаму бебето ќе го заспиваат движењата на кои е навикнато.
