По бременоста, погрижете се за здравјето на карличните мускули

Бременоста често носи многу физички тегоби, но и разни промени во телото за кои трудниците не се ни свесни. Некои од овие промени се однесуваат на мускулите на карличниот дел кои се исклучително важни затоа што ги држат мочниот меур, цревата и матката, но често остануваат занемарени. Проблемите со карличниот дел може сериозно да го оштетат здравјето на жените, особено нивното ментално здравје. Добрата вест е дека постои лек, вели д-р Рејчел Гелман, физиотерапевт специјализирана за карлица и сексуално здравје, за порталот Интимина.

Што се случува со карличните мускули за време на бременоста и по породувањето?

За време на бременоста, зглобовите и лигаментите се олабавуваат за да се направи простор за бебето, а мускулите на дното на карлицата преземаат поголемо оптоварување за да ги поддржат овие промени. За време на вагинално породување или какво било стискање, мускулите на дното на карлицата значително се протегаат и стануваат приближно 3,5 пати подолги. Царскиот рез исто така може да има последици врз мускулите на дното на карлицата бидејќи тоа е голема операција која може да влијае на мускулите и нервите лоцирани околу и внатре во карлицата.

Затоа, овие мускули треба да бидат добро координирани. Тие треба да знаат како да се релаксираат и издолжуваат за време на породувањето и породилните грчеви за да обезбедат стабилност. Значи, фокусот не треба да биде само на силата, туку и на координацијата. Мускулите на карличниот предел треба да бидат способни да се собираат, да се релаксираат и да се издолжуваат за да функционираат добро.

Кои се најчестите симптоми на ослабенени мускули во карличниот предел?

Најчестите знаци дека треба да работите на зајакнување на мускулите на карличниот под се:

– Опстипација
– Стресна уринарна инконтиненција (протекување со кашлање, кивање, смеење, скокање, трчање)
– Болка за време на секс
– Болка во карлицата
–  Болка при седење
– Болка во тртната коска
– Чувство на недостаток на стабилност на телото

Кога е во ред да се започне со вежбање на мускулите во  карлицата (Кегелови вежби) по породувањето?
Можете да почнете да правите Кегелови вежби многу брзо по породувањето, но треба да имате предвид дека тие не се соодветни за секого. Вообичаено, на лекарски преглед 6 недели по породувањето, жените добиваат „зелено светло“ за вежбање. Тогаш би било препорачливо да побарате упат за посета на специјалист за карлицата кој ќе ве информира за тоа кои вежби се најсоодветни за вас.

Како изгледаат основните Кегелови вежби за новите мајки?
Важно е да се знае дека Кегеловите вежби не се единствениот одговор на сите проблеми со карлицата. Во случај Кегеловите вежби да ви одговараат, количината и зачестеноста варираат од личност до личност. Поради оваа причина, добро е да се консултирате со физиотерапевт за да одредите кои вежби се најдобри за вас. Лицето X може да изведува 10 Кегелови вежби на ден, додека лицето Y може да изведе 20. Во исто време, лицето Z воопшто не треба да прави Кегелови вежби кои ги стискаат мускулите, туку треба да вежба нивно опуштање и истегнување. Значи, нема едно решение за сите кога се во прашање вежбите на карлицата.

Откако ќе ги почувствувате позитивните резултати од Кегеловите вежби, кој е најдобриот начин за одржување на здравјето на карлицата?

Како што веќе објаснивме, зависи од личноста, но најдоброто нешто што можете да направите е да продолжите со препорачаните вежби. Исто така, важно е да се одржува добра хигиена на дебелото црево што значи да се јаде многу течности и да се јаде храна богата со влакна. Исто така, притискањето и напрегањето при големо мокрење врши голем притисок на карличниот предел, а тоа може да доведе до здравствени проблеми, па дури и до сексуална дисфункција.

Во секој случај, породувањето е голем настан, било да е тоа вагинален или царски рез. Затоа, секоја жена која била бремена треба да посети специјалист за карлица и да се посвети на решавање на проблемите со карлицата предизвикани од бременоста. Обично пациентите забележуваат подобрување по неколку месеци, но секој човек е различен. Без разлика колку време е потребно за да се опоравите од било какви дисфункции на карличните мускули, треба да се знае дека секогаш постои решение. И што е најважно, запомнете дека зајакнувањето на карличните мускули треба да се прави континуирано во текот на животот!